Descripción
Nesta publicación recollense parte das cuestións e debates que afloraron nas xornadas celebradas na Coruña o 22-23 de outubro de 2008, relativos ao problema da vivenda dos estudantes desde diferentes perspectivas: a dimensión social da demanda de vivencia por parte dos estudantes, o papel e a resposta dos Estados, autonomías e cidades fronte a esta situación, a importancia de ofertar ao alumnado espazos para residir con calidade, accesibles e con criterios de responsabilidade social e científica, así como dar a coñecer os modelos existentes de xestión, promoción e construción en países como Finlandia, Reino Unido, Alemaña, xunto con experiencias relevantes españolas e galegas que, desde as administracións, foron levadas adiante nos últimos anos.
