Descripción
O marco do presente traballo, situado entre os anos 1850-1950, atópase preferentemente definido por feitos profundamente significativos no proceso de conformación da morfoloxía e trama actuais da cidade, isto é, pola súa Reforma Interior e o seu posterior Ensanchamento Urbano, coa renovación-transformación das estructuras físicas da cidade antiga, como base e soporte de funcións que desencadean o seu crecemento definitivo coa aparición de novas demandas xerais de uso por parte do poder económico. Xorde así, co tempo, un novo concepto de comunicación e unha revisión da concepción da cidade.
