Descripción del Producto

O concepto de Patrimonio Arquitectónico non se limita á valoración illada dun edificio, senón que considera como elementos a ter en conta necesariamente, non só o edificio isolado senón o conxunto no que aquél se ubica; inclusive o tecido urbano en si mesmo aínda que non conteña nengún edificio de especial interés arquitectónico, e non só os conxuntos urbanos, tamén os rurais e, en certos casos, a paisaxe natural na que se asentan.
Este volume recolle relatorios presentados nas II e III Xornadas de Arquitectura Galega, como complemento de «Galicia: a destrución e a integración do patrimonio arquitectónico» (1981), incidindo no mesmo criterio de que operar sobre o patrimonio construído non é unha cuestión estritamente arquitectónica, senón que enlaza con aspectos directamente ligados co urbanismo, a economía e, polo tanto, coa planificación.