Descripción
A mostra pictórica que recolle este catálogo, constituída na súa maioría por apuntes das súas frecuentes viaxes por diferentes países europeos, é unha selección feita entre os máis de 500 cadros que posúe a familia e que definen o carácter inquedo deste arquitecto-pintor.
Nas pinturas de Ramón Vázquez Molezún pódese apreciar o gusto pola luz, o volume e a cor, o sentido arquitectónico, o rigor nas proporcións, elementos que tamén están presentes -como en todo bo arquitecto- no seu quefacer profesional.
Pretendese con esta exposición ofrecer un punto de encontro coa obra dun pintor que, como artista plástico, debe ter un recoñecemento semellante ó que como arquitecto acadou coas súas realizacións profesionais.
