Descripción
Esta publicación é o resultado dun traballo de investigación sobre a pegada arquitectónica que deixou a emigración ao continente americano. Céntrase o traballo na península de Bezoucos po constituir unha entidade territorial e social claramente diferenciada, na que son abundantes os vestixios deixados por esta relación transoceánica. Un recoñecemento e valoración dunha arquitectura de especial importancia na comarca de Ferrolterra, unha das zonas de Galicia nas que o fenómeno da denominada Arquitectura Indiana ten unha maior relevancia.




