Descripción
Patrocinados pola Xunta de Ga licia, a Escola Técnica Superior de Arquitectura da Universidade da Coruña ven de impartir dous cursos interdisciplinarios na «Facultad de Construcción e Ingeniería Civil»‘ da «Universidad de Las Villas» na provincia de Santa Clara (Cuba), baixo o título Tradición y Modernidad en Arquitectura .
A acollida dispensada polos profesores da Universidade, así como a dos alumnos do curso, foi do mais afectiva, e os contidos das leccións impartidas resultaron satisfactorias a xulgar pola masiva asistencia a todas elas e polas expectativas espertadas.
Un dos froitos desta actividade é a exposición das fotografías realizadas polos profesores, aberta ó público na Escola de Arquitectura da Coruña todo o mes de xaneiro do 2007, na que se mostran temas de actualidade sobre a vida, os costumes, as paisaxes, as xentes e os espazos arquitectónicos e urbanos, e que agora se recollen nesta publicación.
