Descripción
Como froito dun convenio entre a Consellería de Cultura e Deportes e o Colexio de Arquitectos, varios equipos de arquitectos realizaron un inventario dos pazos de Galicia sobre o que, nunha etapa seguinte, se elaborou esta obra. O primeiro volume recolle a síntese do material reunido, cunha introdución xeral á materia o segundo presenta as fichas ordenadas dos edificios inventariados. Hai que dicir que neste labor se atendeu unicamente ao pazo rural, deixando para un tratamento específico os edificios destas características en medio urbano.
