Descripción del Producto

O termo «arquitectura industrial» debe ser matizado. Se ben partimos dunha concepción da industria como actividade estritamente produtiva, é evidente que, na súa relación coa cidade, este termo abrangue outro tipo de actividades complementarias a aquela (actividades portuarias, de almacenamento, transportes de mercadorías, etc.); e que, cando se vincula co territorio, adoita estar ligada a unha serie de actividades moi determinadas (actividades mineiras, de transformación enerxética, agrícola, etc.). En canto aos criterios cronolóxicos, o seminario céntrase na arquitectura industrial do período que DOCOMOMO Ibérico abarca no seu Rexistro, é dicir 1925-1965; se ben é certo que a dificultade de establecer unha estrita anotación cronolóxica que se identifique claramente co concepto «arquitectura industrial moderna», recomendou ampliar este período ata 1900.