Descripción del Producto

Fronte a unha idea de cidade canónica próxima á cultura occidental xorden os territorios transxénicos, os espazos fronteira ou os asentamentos espontáneos e acumulativos dos países en desenvolvemento que nos permiten entender para onde se dirixe a nova urbanidade. Xa que nos abocamos a unha globalidade onde o urbano se dilúe nunha nova totalidade que o imprime todo, toca redefinirmos comportamentos e actitudes. Non se trata xa de pensar en dicotomías, do que é ou non é cidade, de límites de definición estándar, senón de entender patróns ou formas de comportamento heteroxéneos totalmente universais. Así, fronte á idea dun espazo construído consolidado, xorde o cambio flexible e adaptativo; fronte a unha entidade espacial común e representativa, xorde o heteroxéneo e indefinido totalmente diluído; fronte ao canónico e normativo, reaparece o improvisado, fráxil e claramente persoal, polo de agora carente de definición. O inmediato imponse sobre do xenérico; o imaxinativo, sobre do planificado.