Descripción del Producto

A recompilación dos planos dunha cidade e a súa catalogación, resulta estéril sen algún comentario que os avive, conectándoos co lector, incitándoo a ver neles algo máis que imaxes bonitas, poñéndoo en relación co espazo que habita. Así o que naceu como un catálogo de planos urbanísticos que permitise seguir documentalmente a evolución e desenvolvemento de Vigo, se converteu nun discurso sobre a cidade, mediante os relatos dos viaxeiros que se achegaron a ela. As súas percepcións de Vigo e os seus comentarios literarios puxéronse ao servizo da lectura dos distintos planos que foron facendose da cidade e, en consecuencia, da súa imaxe que variando ao longo do tempo se ve reflectida neles.