Descripción
Coas súas fotografías, Xaquín Nóvoa aproxímase sensiblemente a aquelas palabras de Roland Barthes: «Só me interesaba a fotografía por sentimento; mais eu quería profundizalo, non como cuestión ou tema, senón como ferida: vexo , sinto, e polo tanto noto, miro e penso».
Esta mostra recolle de forma antolóxica a serie de fotografías de Xaquín Nóvoa que, sobre o lema CABLES, foron presentadas polo Colexio Oficial de Arquitectos de Galicia xa no ano 1987 en Santiago de Compostela e no ano 1988 na Coruña e en Vigo, enriquecida agora con novas aportacións.
A perspectiva destes anos permítenos ver o pouco que se fixo por remediar esta situación, xa ben entrada a década dos noventa.
